2.2 Jarduera

2.2 jarduera

Zer eta zertarako jakin behar dugu?

Erronkari arrakastaz aurre egiteko, zer jakin beharko duzuen eta zein helburu landuko dituzuen ezagutzeko garaia da. 

1. Taldeetan banatuta, bota ideiak, asmatu ahala, erronkari aurre egiteko beharko dituzuenak zehazteko: zer jakin eta egiten jakin beharko duzuen eta zer izaten jakin beharko duzuen, eta idatzi denak zerrenda batean. Horretarako, kontuan hartu erronkaren eskakizunak agertzen diren bideoa.

2. Irakurri erronkaren helburuak, eta azpimarratu ulertzen ez dituzuen atalak. Ulertzen ez dituzuen alderdiak argitzeko, galdetu irakasleei edota beste taldeetako kideei. Jarraian, sailka itzazue jakin beharreko eduki bakoitza helburu bakoitzari dagokion lerroan.

3. Adostu zuen taldean helburu bat, eta idatzi ezazue osatu berri duzuen taularen azken lerroan. Helburu hori –zuen erronkari aurre eginez, talde gisa lortu nahi duzuena–, desberdina izango da emandako helburuen aldean. Horretarako, jarraitu 1-2-4 egitura kooperatiboari. 

• Taldekide bakoitzak taldearen koadernoan idatziko du, bere ustez, taldeak izan beharko lukeen helburua. Lehenik aukeratu talde-lanaren trebezia eta, ondoren, horren helburuak. Behar izanez gero, erreparatu beheko lagungarriei. 

Adb. Talde funtzionamenduko trebeziak aplikatzea, taldekide bakoitzak ideiak botatzean horiek arrazoitzea eskatuz

• Ondoren, elkartu binaka, bateratu ideiak, eta idatzi taldearen koadernoan. 
• Amaitzeko, laukotea elkartu eta adostu taldeko helburuak, taldekide guztien artean.